Velkommen til Yoko's dance lounge
Velkomen til Yoko’s Dance Lounge, ein open og inkluderande plass for K‑pop og dans. her kan alle vere seg sjølve.
About yoko
Hei! Eg heiter Yoko, og eg er grunnleggjaren av Yokomotion Danseskule – ein inkluderande plass der energi, musikk og fellesskap står i sentrum.
Dans har vore ein del av livet mitt sidan eg var seks år og starta med klassisk ballett. Etter ei pause fann eg tilbake til dansen i 2019, då eg byrja på hiphop‑timar. Samstundes voks interessa mi for koreansk popmusikk, og eg kasta meg ut i å lære koreografiar frå favorittgruppene mine. Før eg flytta hit, var eg med i to cover‑dancegrupper, noko som gav meg både erfaring, utvikling og eit sterkt fellesskap.
I 2025 fekk eg sjansen til å halde ein workshop under eit treff i Ålesund. Den opplevinga tente verkeleg gnisten og gjorde at eg bestemte meg for å satse på å undervise andre i det eg brenn for. Seinare, i november og desember 2025, hadde eg mine første eigne workshops – og responsen var fantastisk. Det gav meg motet til å ta steget vidare og starte min eigen danseskule.
I 2026 deltok eg på K‑Dance Competition Camp (KDCC) i Sør‑Korea. Der trente eg saman med dansarar frå heile verda og lærte av profesjonelle koreografar som jobbar direkte i industrien. Opphaldet i Korea gav meg ei viktig innsikt: dans handlar ikkje om perfeksjon. Det handlar om energi, sjølvtillit, uttrykk og glede – og det er nettopp det eg ønskjer å formidle vidare til elevane mine.
Velkommen til Yokomotion Danseskule – der energi, musikk og fellesskap møtest.
Undervisningsfilosofi
Hos Yokomotion handlar dans ikkje om å vere perfekt. Det handlar om:
Energi
Sjølvtillit
Uttrykk
Glede
Fellesskap
Alle kan danse. Alle kan lære. Alle kan vere seg sjølve. Dette er grunnmuren i alt vi gjer.
Kvifor Yokomotion
Inkluderande og tryggt miljø
Fokus på meistring framfor perfeksjon
Låg terskel – alle nivå velkomne
Du treng ikkje vere K‑pop‑fan
Grupper for barn, ungdom, vidaregåande og unge vaksne
Workshops for vaksne gjennom året
Mogleg å bli med heile året
Eit rom der du kan vere deg sjølv og finne dansglede
kor finn du oss?
Volda samfunnshus
Volda
Storgata 14
ta kontakt
gjerne ta kontakt ved spørsmål